Federación de Bandas de Música Populares de Vigo
“Vigo, un mar de bandas”
As bandas de música tradicional en Vigo son toda unha institución. En Vigo gústanos a música! Temos nove bandas agrupadas na Federación de Bandas de Música Popular de Vigo.
O Concello de Vigo, en colaboración coa Federación de Bandas de música populares de Vigo, vén realizando un importante labor de apoio, difusión e potenciación das bandas populares de música de Vigo mediante a programación de ciclos de concertos e actuacións en distintos barrios da cidade ao longo de todo o ano e a través da formación continua dos integrantes das nove bandas de música de Vigo. A mencionada Federación aglutina todas e cada unha das bandas de música da cidade de Vigo.
Dende ano 1990, o Concello e a Federación subscribiron convenios de colaboración de forma ininterrompida o programa “Vigo, un mar de bandas”, cuxo propósito é o de achegar a música aos cidadáns e fomentar a creación de novos públicos, coa programación de ciclos de concertos e actuacións durante todo o ano polos barrios e centro da cidade, con resultados moi satisfactorios.
Ademáis dende o ano 2001-2002, desenvolvese o programa “Aulas de música nas bandas”.A través deste programa trátase de fomentar o hábito e o estudo da música de banda, a aprendizaxe da linguaxe musical, o manexo de instrumentos musicais e a práctica dentro dunha colectividade, estando destinado ao público en xeral, sen límite de idade.
Como novidade, neste ano 2020 creouse o programa de actuacións: “Ao son das festas de Vigo”, que o Concello de Vigo impulsou nesta tempada.
O Concello en colaboración coa Federación pretende alcanzar dous obxectivos: a formación continua dos integrantes das bandas de música en Vigo, e proporcionar desta forma unha oferta musical de maior calidade aos cidadáns fomentando a creación de novos públicos.
As bandas musicais de Vigo teñen un denominador común moi claro: a aposta polos valores culturais e a integración de distintas xeracións, que conviven e desfrutan potenciando a vida social e musical do seu barrio ou parroquia:
Comentarios
Publicar un comentario